 |
| Forrest Gump |
NILIPOITAZAMA sinema ya
Forest Gump kwa mara ya kwanza
haikunivutia, nadhani ni kwa sababu wakati huo sikuwa makini kama sasa.
Nilipoiangalia tena nikagundua kuwa ni ‘bonge la sinema’. Sinema hii inafundisha
mengi kuhusu maisha na maana ya maisha. Kwamba maisha si mabaya kama ambavyo
watu wengi wanataka yaonekane. Kwamba kijana asiye na hatia anaweza kufanikisha
maisha ya wengi kwa hali yake.
Na kama hujawahi kuiona
au unadhani hujaipenda nakushauri uitazame tena. Inastaajabisha kwelikweli… ni
moja ya sinema bomba sana, na kwa kweli ilistahili kuzoa tuzo.
Forrest Gump ni filamu ya Amerika ya mwaka 1994
inayotokana na riwaya yenye jina hilo hilo iliyoandikwa na Winston Groom mwaka
1986. Filamu hii imeongozwa na Robert Zemeckis na imeigizwa na Tom Hanks, Robin
Wright, Gary Sinise, Mykelti Williamson, na Sally Field.
Hadithi yake inaelezea mambo ya miongo kadhaa
katika maisha ya Forrest Gump, mtu aliyekuwa na akili chini ya kiwango cha
kawaida (IQ 75)
lakini ana moyo-mzuri, huruma na shujaa wa Alabama, ambaye anashuhudia baadhi
ya matukio ya nusu ya mwisho wa Karne ya 20 huko Marekani; hasa, kipindi cha
kati cha kuzaliwa kwake mwaka 1944 na 1982.
Picha za sinema hii zilipigwa mwishoni mwa
mwaka 1993, hasa katika maeneo ya Georgia, North Carolina, na South Carolina.
Sinema hii ilitolewa rasmi Julai 6, 1994,
ilipata mafanikio makubwa kibiashara kwa kazi zilizotoka mwaka huo, na kuwa
sinema ya kwanza iliyofanikiwa sana ya kampuni ya Paramount Pictures tangu iungane na Viacom. Imeingiza zaidi ya dola za Kimarekani milioni 677 duniani kote.
Mwaka 1995 ilishinda Tuzo sita za Oscar (Academy Awards): Sinema Bora, Muongozaji Bora (Robert Zemeckis),
Mwigizaji Bora (Tom Hanks), Script Bora iliyotokana na Riwaya (Eric Roth), Best
Visual Effects, na Filamu iliyohaririwa vizuri.
Pia ilipata tuzo nyingine nyingi na kuteuliwa
katika tuzo kibao, ikiwa ni pamoja na Golden
Globes, People’s Choice Awards,
na Young Artist Awards, kati ya
nyingi nyingine.
Mwaka 1996, mgahawa bora wa Bubba Gump Shrimp
Company, ulifunguliwa kutokana na filamu hii na tangu wakati huo umeenea maeneo
mengi duniani.
Mnamo 2011, Maktaba ya Congress iliihifadhi
filamu hii kwa Msajili wa Taifa wa Filamu za Marekani kama “kumbukumbu ya
kiutamaduni na kihistoria”.
Stori yake inaanzia pale Forrest Gump
anaposimulia hadithi ya maisha yake kwa watu waliokaa karibu naye kwenye benchi
huko Savannah, Georgia mwaka 1981.
Katika siku yake ya kwanza shule, Greenbow,
Alabama, Forrest Gump anakutana na msichana aitwaye Jenny Curran. Licha ya
uwezo wake mdogo akili, lakini uwezo wake wa kukimbia unamfanya kupata nafasi
ya masomo kupitia soka.
Baada ya kuhitimu chuo, anajiunga jeshini,
ambapo anapata rafiki, askari mwenzake aitwaye Bubba, ambaye anamshawishi Gump
kufanya biashara ya uduvi
(dagaa kamba) vita vikiisha.
Walikwenda vitani Vietnam, wakashambuliwa na
Bubba akauawa katika mapigano. Forest Gump anaweza kuokoa askari wengi wa kikosi
chake, ikiwa ni pamoja na Luteni wake, Dan Taylor, ambaye anapoteza miguu yake
yote. Forest Gump anapata tuzo ya ‘Medal
of Honor’ kwa ujasiri wake.
Wakati Gump akitibiwa jeraha la risasi kwenye
makalio yake, anagundua ana kipaji katika mchezo wa ping pong. Anapata umaarufu kwa kucheza ping pong. Katika mkutano
wa huko Washington, D.C., Gump anaungana tena na Jenny Curran.
Anaporudi nyumbani, Gump anatumia mapato hayo
kununua boti ya kuvulia uduvi, akitimiza ahadi yake kwa Bubba. Baadaye
anaungana na Luteni Dan, na siku moja kimbunga Carmen kinapiga na kuharibu boti
zote isipokuwa boti yao pekee na wao wanapata kiasi kikubwa cha uduvi.
Gump anatumia mapato yake kununua meli kubwa ya
kuvulia uduvi. Dan anawekeza katika kampuni ya Apple Computer (ambayo Forest Gump anadhani ni kampuni ya matunda).
Kisha Forest Gump anarudi nyumbani kumuona mama
yake katika siku za mwisho. Kuna mengi sana ya kujifunza katika sinema hii,
ikiwemo historia na utamaduni wa Wamarekani.
Waongozaji wawili walipewa fursa ya kuiongoza
filamu hii kabla hajachaguliwa Robert Zemeckis huku Terry Gilliam alikataa ofa
hii. Barry Sonnenfeld aliunganishwa kwenye filamu hii, lakini aliondoka kwenda
kuongoza filamu ya Addams Family Values.
No comments:
Post a Comment